渠署亂收村屋排污費
錯收排污費事件愈揭愈多，渠務署仍未主動糾正！繼早前本報揭發有村屋住戶白交排污費多年後，再有分別位於荃灣及大埔的村屋錄得「收錯錢」個案，村民不滿渠務署被揭出錯後未有即時檢視各區收費情況，無端白交排污費。立法會議員與區議員皆認為渠務署有失職之嫌，促盡快補救，並籲市民詳細檢視帳單，免被錯誤收費而不自知。
大埔林村新屋仔村有居民被證實遭渠務署錯收排污費，事件經報道後，再有其他村屋居民向本報反映遇上類似問題，其中大埔圍頭輋地村的張女士不滿渠務署未有就錯收費用主動糾正，「見今次水費多咗，咪認真啲睇下張單囉，點知原來一路都畀政府收錯咗排污費！」
睇《東方》報道 始知受害
除了大埔區外，荃灣區亦有村民無辜收費，「唔係睇《東方日報》，都唔知原來我哋都畀渠務署收錯錢！」家住荃灣下花山村的蕭太指出，該村至今仍未有鋪設公用污水渠及排水渠，家居污物與污水均由自設化糞池與喉管處理。蕭太坦言多年來皆未有詳細檢查水費單上細項，直至日前閱畢本報報道後，才驚悉每季被錯收高達三百多元排污費，「睇嚟收錯錢都唔係個別事件，都唔知仲有幾多條村中招！政府真係要快啲搞番掂佢！」
身兼荃灣區議員的立法會議員陳恒鑌直言，渠務署錯收排污費匪夷所思，「估唔到咁簡單嘅嘢都會搞錯，鄉村冇排污系統已經唔方便，仲要畀政府收多錢，真係冤枉！」陳呼籲各區巿民仔細檢查帳單，免被誤收「莫須有」費用，並要求渠務署盡快糾正錯誤。
三年來每月逾十宗申退款
「收一條村嘅投訴，就處理一條村，咁係咪冇人投訴就唔查？」立法會民政事務委員會委員張國柱要求渠務署立即徹查受影響帳戶，並盡快安排退款，「邊條村邊個單位有排污系統，渠務署實有資料，要解決唔係難事！」張又認為，公共排污系統較能保障環境衞生，建議當局趁機研究為鄉村增建排污渠方案。
渠務署發言人證實，經派員與當事人實地視察後，發現有誤收排污費情況，已向戶主解釋及安排退款，又承認過去三年平均每月接獲逾十宗退還村屋排污費申請。該署除處理日常個案外，已成立特別專案小組主動處理事件，全面檢討徵收和退還排污費安排，按步整理及更新系統資料，務求及早找出問題帳戶和主動安排退款，就事故向市民致歉。
記者：朱廣華