九巴68A有遲冇早累客呆等
居於青衣的鍾先生習慣下班後乘搭九巴68A線返家，日前如常在屯門華都花園分站候車時，竟苦候逾半小時方能登車，坦言浪費不少時間，「架巴士永遠有遲冇早，個站牌話十五分鐘一班，但從來都冇試過準時！屯門去青衣嘅車又少，呢兩年投訴咗好多次都仲係咁！」
九巴發言人表示，68A線來往元朗朗屏邨至青衣，根據行車紀錄，該線在鍾先生乘車當日有車長臨時因病缺勤，導致原定十五至廿分鐘一班的班次受到影響，站長已作出車務調動，安排繼後班次提前開出以疏導乘客。
車長缺勤處理緩慢
「佢哋一知有車長唔舒服，就應該即刻出車補番個班次，淨係叫下一班車開早啲，咪即係少咗一班車？」鍾先生批評九巴處理事件反應緩慢，未能因應情況作彈性處理，又要求九巴增加68A線班次及優化巴士路線，方便該帶居民。