「貪曾」前特首曾蔭權爵士同前廉政專員湯顯明認真難兄難弟，前者遭東方報業集團去年二月獨家踢爆佢貪盡海陸空、歎盡省港澳，後者近日亦遭本報揭發佢喺五年任內竟合共外訪三十四次，即平均每年七次，幾乎每兩個月就要出外「周遊列國」一番，足迹仲要遍及全球五大洲，難怪遭人戲謔佢係「外訪專員」。講真湯顯明同「貪曾」貪威識食嘅表現都不相伯仲，貪曾委任湯顯明做廉政專員嘅任期，仲要同自己一樣，市民懷疑湯顯明查貪曾查極都查唔出樣其實有景轟，係有原因嘅。
