尋日愚人節嘅最大笑話，莫過於「廢官」周一鑊翻閹成功，正式上任做平等機會委員會主席。呢隻廢鑊任內功績有幾差係人都知，坊間仲賜其名為「每周一鑊」，擺明寸爆佢任內乜都做唔到。雖然隻廢鑊之前做得咁差，但勢估唔到現屆政府竟然不計前嫌，「翻叮」廢鑊等佢可以做番官。環境局局長黃錦星等一眾環境局官員今日就會出發去南韓首爾考察當地嘅廢物回收設施，其實黃局長唔使出埠，留喺香港睇吓廢鑊呢兩日嘅一言一行，就知香港嘅廢物回收工作絕對唔會比南韓做得差，甚至可以話係亞太區回收中心添！
