中環出更：卸任東華 陳文綺慧要瞓覺叉電

身形纖瘦嘅Viola，係東華史上少有的女主席。呢位「女當家」並無特權，上任無耐，每天行程多達九至十個。佢笑言每天裙拉褲甩出門，上到座駕，才邊戴耳環，邊刨講詞。私人司機也被特訓成車手，就連御用髮型師也由一小時理髮變身「洗剪吹」高手，十分鐘搞掂一個「主席頭」。最狼狽那次，是一天內撞正「紅白二事」，再加上一個典禮。連走三場之後，惟有帶齊素色、鮮色外套，快速喺車上大變身。

除咗應酬多，睇文件量也極之驚人。為免三更半夜回家，Viola不時將文件搬返屋企刨。好快，家中就多了幾座「大山」，行入書房，都要繞道而行。所以卸任後，佢有三件事要做，第一係清理「文件海」，第二係不停瞓覺，瞓足半年叉電，第三，係考慮生仔。

陳文綺慧、陳宇齡	中三時的陳文綺慧（右）「大近視」兼哨牙，跟現在的美女形象判若兩人。	作為東華主席，陳文綺慧（左）不時與幼稚園學生見面。（被訪者提供）

女鐵人被催生仔

Viola同「靈芝大王」老公陳宇齡結婚十幾年，一直未有小朋友，身邊朋友催促佢盡快生仔，就連賭王三太陳婉珍都開到聲話：「你快啲生仔啦，我幫你湊。」不過呢位女鐵人還是嚮往自由生活：「反正老公同奶奶無畀壓力，生仔嘅嘢，順其自然吧！」

卓妮