去年被控涉嫌騙取房屋津貼而辭職嘅前發展局局長麥齊光，上月獲香港大學聘任做兼職講師，等待下月上庭審訊。佢嘅心情係咪好焦急就唔知喇，但我哋日前見到佢好「急」嘅樣。
上周五下午三點鐘，麥齊光現身中環置地廣場二樓，當時手執一疊文件同記事簿，見佢神色匆匆，然後一支箭咁衝入洗手間，過咗兩分鐘就急步走番出嚟，之後往太子大廈方向離去。做得大學講師，隨時要連續上堂上幾個鐘，如果麥齊光真係唔多忍得，或者上堂Break（休息）多啲，千祈唔好死忍呀！
（陳嘉順攝）
