係咪有得補選，現時言之尚早，梁偉權可以喺高院判決後十四個工作天內提出上訴，上訴期間仍然可以做議員。而且呢啲上訴案件有排搞，分分鐘拖到下屆選舉前先至搞掂。
不過自由黨似乎無理咁多，認為該區屬於中高產選區，估計自由黨牌頭有一定市場，所以最近已經火速派出新人符傳富到京士柏派單張，雖然呢位新人零經驗，但自由黨睇中佢係當年男拔萃八優生，有尖子背景，應該深受中產家長歡迎，有得博一博。
林健文上屆僅輸兩票
雖然自由黨決定插旗，但就算真係有得補選，目前都以民協林健文睇高一線，始終佢上次選舉都係僅僅輸兩票，有番咁上下實力。其實每次補選都引來多人報名，形成大混戰格局，唔知今次又有幾多人報名參選呢？