政情:八網難逃:空姐「舞」得頂

空姐放棄飛天,下凡跳舞?大眾平時對空姐、空少嘅印象,不外乎佢哋着住制服拖篋喺車站等機場巴士,或者喺飛機上推住餐車,問「要雞飯定牛肉飯?」近日有網民上載一段由空姐、空少喺銅鑼灣一個商場跳快閃舞嘅短片,片段入面六十幾個空中服務員都身穿印有號碼嘅制服,部分人更手持欖球互傳兼載歌載舞,喺商場內外滿場飛。原來場舞係國泰航空宣傳有份贊助嘅香港國際七人欖球賽伎倆。縱使佢哋嘅舞步唔算好合拍,但遊人見到,都嚇咗一跳,仲覺得好有趣添。

第一手消息請下載on.cc東方互動iPhone/iPad/Android/Windows Phone Apps