針對港人住屋供應問題，房委會及房屋署最近實施打擊濫用公屋嘅政策。成日畀人話逾一百萬年薪仲住公屋嘅社民連主席梁國雄（長毛）尋日喺立法會會議談及領匯加租嘅情況時，就話自己明白公屋嘅情況，質疑運輸及房屋局局長張炳良唔係住公屋，所以唔熟書。張炳良就答話佢雖然唔係住公屋，但都知道地區嘅情況。
其實本報早前已報道過長毛住公屋嘅事，但佢當時堅稱自己咁多年嚟一直交雙倍租，而且成副身家只得九萬元。長毛一直以住喺公屋為榮，仲話香港有立法會議員住公屋，應該話佢清廉喎。
