政情：公民講場：建制派雞仔保鏢「圍」護劉江華

愛國愛港呢個話題近排最熱，民主黨立法會議員涂謹申（阿涂）尋日喺立法會追問署理政制及內地事務局局長劉江華愛國愛港嘅定義，但係唔少建制派議員即時跳出嚟問問題燒時間，今次真係團結撐劉江華。民建聯四個成員攜手鬥快撳掣，問國籍限制算唔算篩選，同提名委員會包唔包括全體立法會議員等無聊問題。經民聯林健鋒同自由黨鍾國斌都有幫手提問，林健鋒仲問劉江華點樣確保政改五部曲唔會偏離《基本法》，畀機會劉江華好似背書咁背多次五部曲。呢場麻鷹捉雞仔，保護雞仔嘅，仲包括蔣麗芸添。