防火門水長流易跣倒
「呢度咁近巴士站，成日都好多人行出行入，啲水係咁流出嚟，又污糟又易跣親人，點解冇人理？」林女士常於馬鞍山頌安邨巴士總站候車，發現頌安商場近巴士站的防火門隙不時有污水流出，影響衞生之餘，亦擔心易令行人滑倒，「有老人家行過跣親就大件事！」
領匯發言人解釋，清潔承辦商定期清洗商場後樓梯時，污水會透過防火門流出並引向就近污水渠，因而造成相關情況，但強調每次有張貼告示及圍封受影響範圍，清潔工亦會將水掃除，減少對公眾帶來不便。
警告牌求其擺放
「邊度有圍封？連個『小心地滑』警告牌都係求其放埋一邊就算，啲水係咁流都冇人嚟拖！」林女士直指領匯的回應與事實大有出入，要求領匯認真正視公眾意見，確保污水清理得宜，「淨係個商場乾淨，一推開門就污糟邋遢，咁咪即係做啲唔做啲？」