探射燈：炒飛雖違法檢控有難度

售票安排要恰當

執業大律師陸偉雄表示，以海報或紙巾送門票，屬於虛假交易。根據《公眾娛樂場所條例》，任何人不得以超過該東主、管理人或籌辦人就活動所定的款額（連須繳稅項）的票價，售賣、要約出售、展示或管有該等門票。「假如一張飛原價五百蚊，炒到七百，炒飛黨辯駁話包紙巾係二百五，門票係四百五，平過原價，但法官會判斷包紙巾嘅售價，冇可能要成幾百蚊，所以上到法庭，賣家會被告得入。」

不過，法律界人士伍毅文指，警方對黃牛黨執法難度高，即使在球場外發現有人「兜售」，只會以遊蕩罪勸喻他們離開。他認為炒賣黃牛飛的出現屬市場供求現象，要遏止炒風，建議主辦單位應要安排恰當，令售賣過程更公道。

球迷心聲 黃先生（零售業）：唔好話曼聯飛，連平時康文署轄下嘅場地都有黃牛飛，但紙巾送飛真係第一次聽，我覺得警方執法不力。

劉先生（服務性行業）：啲人想搵快錢，冇計啦！炒黃牛一直都有，警方遏止唔到，搞到我哋買唔到飛，都幾唔公平！