房署零效率害苦老人家
長者屋洗衣機悉數損壞，二百名長者足足啞忍近兩年！長沙灣元州邨元和樓長者屋設有洗衣房，三部洗衣機原可為宿舍內近二百名長者清洗衣物，可惜所有洗衣機損壞多時仍未修妥，長者們被迫兩年來日日要以手洗衣。區議員怒斥房屋署「零」效率，令一眾長者無辜受累；立法會議員則直指事件不能接受，要求房署交代。
鄭先生的父親居於長沙灣元州邨長者屋，一年多前已從老父口中得悉長者屋洗衣房內三部洗衣機全告損壞，期間已多次向房署投訴，惟一直未見更換或維修。「老竇要自己喺洗手間用手洗衫，見到都覺得陰功，佢話因為仲要喺度住，所以唔敢投訴！」另一不願上鏡的住客劉婆婆（化名）則說，冬天手洗厚衣及床單最為吃力，更指洗衣時因「唔夠力扭」而要他人幫忙，「洗衣機壞咗起碼年半囉，辛苦都冇辦法，我哋邊有權投訴？」
解釋與事實不符
對於三部洗衣機的損壞時間及接獲投訴數字的問題，元州邨物業服務辦事處發言人未有回應，僅稱據記錄，保養承辦商曾於去年為元和樓長者住屋其中兩部洗衣機作基本檢查及維修。至今年三月初，由於有關洗衣機使用過於頻密而故障，須暫停使用，又表示三月五日已安裝一部全新洗衣機供住戶使用，其餘兩部新機亦將於稍後裝妥。不過，記者於三月六日到洗衣房了解期間，發現三部洗衣機依舊損壞，未能使用。
「住得長者屋都係上咗年紀，有啲仲要行動不便，成二百人都要日日用手洗衫，真係難為啲老人家！」當區區議員陳偉明炮轟房署疏忽照顧長者，維修設施效率之低更令人難以接受。陳坦言亦曾向房署反映，不滿對方以報價維修需時為由，圖為事件開脫，認為房署絕對有足夠資源更換損壞洗衣機，不滿一直拖延處理，令長者無端受苦。
「係咪長者好恰」
立法會福利事務委員會副主席張國柱直指，房署不可能未有得悉壞機情況，拖延維修的做法令人憤怒。「係咪長者好恰啲？洗衣機幾乎係日常必需品，冇可能壞咗咁耐都唔整，畀盡你三個月咩都搞掂啦！」張要求房署解釋維修需時逾年原因，並調查當中是否涉及職員失職及需對事件負上責任，至於房署亦需檢討職員與長者關係，了解長者未敢就事件發聲原因。
記者：阮佩君