探射燈：幾許風雨 阿翁最痛呢次

年近六十歲的阿翁自言於銅鑼灣飲食界打滾逾三十年，經歷金融風暴、科網股爆破、沙士、金融海嘯等經濟低潮，依然屹立至今，沒想到近期的加租狂潮，卻令其十七年老舖有所動搖。

預計行業難捱

凡事愛親力親為的阿翁多年來款待過不少城中富豪名人，歷屆特首亦是其食客，熟客更不時愛請他到家中到會，加上每日早上十一時便回到舖內駐場，生活可真十分充實，「我其實可以隨時退休，但我想活到老，做到老。」說到一生心血，由誰人繼承？阿翁說時更是淡然，「我個仔做金融，個女做酒店，佢哋有自己嘅世界，我唔會勉強佢哋。」

食客點睇 張小姐（公關）：「呢啲咁有特色嘅食肆如果唔做，必然係可惜，依家賣大國傳統嘢，又保持傳統裝修風格嘅舖頭已經好少。」

劉先生（室內設計）：「因為呢度（富豪酒家）近又就腳，所以一個禮拜都會嚟一次飲茶，如果要搬就好可惜，到時少咗個地方開飯。」

另外，他又稱，現時百物騰貴，預計業內經營更見艱難，「油、鹽、糖加晒價不特止，就連裝修、保養都加晒價，但我仲係賣緊十年前嘅價錢。」阿翁說時甚為無奈。