【本報訊】「從來無聽過佢哋鬧交，經常手拖手出街……，每晚飯後都係佢丈夫將垃圾丟到垃圾房，唔會畀老婆操勞！」有鄰居指，姓馮男死者對妻子十分痛錫，呵護備至，對於這對街坊眼中的恩愛模範夫婦，在毫無先兆下突然自殺離世，令人惋惜。
與燒炭夫婦為鄰多年的岑婆婆慨嘆，與女死者劉女相識廿多年，由大窩口相識，至葵泰樓又成鄰居，慣以「靚女」稱呼劉女，「由細睇到佢（劉女）大，估唔到會自殺。」岑憶述稱，劉女數年前結婚時，曾大宴親朋，一片喜洋洋，亦有向她及其他鄰居派嫁女餅，相當有心。
鄰居們都稱讚兩夫婦有禮貌及有愛心，見到街坊會點頭微笑打招呼「好有家教」。惟她提到，兩星期前已見兩人經常賦閒在家，未知是否失業。兩夫婦過去每晚都會在家煮飯，但近日又無聽到其家弄炊的聲音，經過其家門又聞到陣陣異味，想不到兩人已死於屋內。