財政司司長曾俊華（鬍鬚曾）上月底公布財政預算案，期間「我係中產」論惹起社會激烈討論，但隨着時間過去亦慢慢降溫。最新一期公務員通訊中，鬍鬚曾再次大談佢嘅理財哲學同面對嘅挑戰，但一如既往無乜新意，來來去去都係「維持本港金融穩定，謹慎理財，善用公帑」，而且仲翻貼曾經喺網誌嘅一張陳年舊相片，記錄咗鬍鬚曾（圖中）早年喺美國波士頓同友人敍舊夾Band嘅情景，期間見佢一身有領T恤同短褲，拎住友人兒子嘅小結他彈奏jam歌，表現出悠然自得。
