走廊充斥濃煙 居民難逃生
【本報訊】火警期間十五個單位有人被困，情況十分危急，有住客擔心火燒入屋，情急智生極速將窗花拆走，準備在窗邊揮毛巾求救，亦有女住戶愈等愈驚，數度致電報警。消防處發言人表示，接報後四分鐘已到達現場，並於廿五分鐘後將火控制，約一小時救熄，期間控制中心接到卅五個求救電話。
拆窗花擬揮毛巾求救
居於起火單位對面的林先生表示，火警時聞到濃烈燒焦味，開門即見到起火單位門窗冒出濃煙，於是大叫火燭通知街坊逃生。同一層另一名陳姓男住客亦指出，聽到警鐘後打開大門，赫見走廊充斥濃煙，立即關門報警，「當時好驚！好多煙由門隙攻入屋，用螺絲批將窗花拆下，諗住燒到嚟就企出窗邊揮毛巾求救」。
居民黃太說，當時與孫兒及外傭在家，原想下樓逃生，但因走廊煙太大退回屋內，「周圍黑麻麻，等極都未見消防到，我報咗好多次警！等咗成廿分鐘，先見消防員嚟救火」。亦有居民稱，最初聽到警鐘時以為誤鳴，開門視察發現許多街坊逃生才跟着走，「落到地下望番上去，見到嗰個單位燒到火光熊熊，仲有火球噴出，好得人驚」。