店舖霸馬路卸貨 警懶理
店舖以雜物佔馬路「霸位」上落貨，警方被指視而不見！梅小姐發現，深水埗福榮街有店舖疑為求方便，經常利用手推車及雜物霸佔馬路，以供貨車在店外停泊上落貨，造成阻塞，為其他道路使用者帶來不便，「泊喺度一陣上落貨都算嘞，但成日都拉晒啲車仔出嚟霸住條路就真係太離譜！」梅要求警方正視問題，嚴懲違規者。
警方發言人表示，去年曾接獲一宗有關上址店舖阻街投訴，並對該店負責人提出檢控，又指會繼續留意上址情況，如發現有違規行為，將採取適當執法行動。
「就咁話會留意就算，咁即係有冇去巡？」梅小姐坦言對警方回覆大感不滿，認為有敷衍市民之嫌，亦擔心會變相縱容店舖佔用馬路行為，要求當局嚴加執法。