終院將遷入 拆除公眾席
人民力量陳偉業話，舊大樓富有歷史特色，非常懷念昔日喺舊大樓工作嘅時光，又話當初唔係好想搬過嚟新大樓；工聯會王國興就問當局會唔會保留舊大樓會議廳內嘅圓拱形天花同公眾席。梁家傑就話，雖然贊成搬遷計劃，但就唔想抹殺舊大樓作為立法機關嘅歷史，問導賞團係咪包括介紹發生喺舊大樓內嘅點滴，會否帶領市民參觀舊大樓嘅重要地標。
司法機構政務長劉嫣華話，終審法院首席法官馬道立認為導賞團唔應該介紹舊大樓內曾發生嘅立法機關大事，但會話畀市民聽大樓嘅前身係立法會。
將來除咗增設導賞團同展覽廊外，司法機構亦會保留前會議廳內嘅木建築同天花設計，但就會拆除多年前加建嘅公眾席，增強採光效果喎。