【本報訊】屋苑昨貼出通告呼籲住戶提防，有居民坦言擔心屋苑治安，盼警方盡快緝兇。住戶陳小姐稱：「好驚！唔知係唔係色魔，驚小朋友會受傷害，已通知工人鎖好門窗。」有住戶在網上「名城業主討論區」留言指，「老婆話真係好驚，頭先去倒垃圾，原本一直由阿仔負責，今晚變咗全屋人出動，我同阿仔去倒垃圾，老婆企門口睇實，準備有咩事即時call座頭……」。
有住戶批評屋苑保安鬆懈：「訪客登記完上到平台，拎住張紙任我行！裝修工人掛張證件又唔使睇又唔使對，可以任行！（保安員）見到啲師傅惡啲就唔敢出聲！我哋反而要拍卡過三關係最搞笑，我個女行我前面拍咗卡仲叫我拍！」
負責管理的港鐵回應稱，名城有一套嚴謹的保安措施，住戶有住戶證及八達通登記卡，而訪客、地產代理及裝修工人出入均需登記及核實。他指事件已交警方調查，而事後已加派保安員當值及巡邏。