霸道店舖票控當冇到
長沙灣順寧道一帶向被視為區內店舖阻街黑點，每日均有大量貨物擺放行人路上，惟近日竟連行車路亦被攻陷，「啲箱亂咁疊，霸咗條行車線都算嘞，仲差啲冧落我架車度，真係好牙煙！」黎先生日前駕車行經上址時，便險遭發泡膠箱擊中，不滿當局對情況視而不見。
警方發言人指出，由去年至今共接獲十八宗有關上址街道阻塞的投訴，已向違反道路交通條例和造成阻塞者發出二十六張法庭傳票及三十六張定額通知書。發言人強調，警方會定期於該帶執行街道管理行動，以維持交通暢通及確保道路安全。
「罰咗咁多次都仲係冇改善，係咪應該研究下其他辦法？」黎先生認為警方雖有定期檢控，卻無助改善上址阻街情況，要求加重罰則以嚴懲屢犯者，增加阻嚇力。