中環出更:趙式和 「秒殺」零食唔驚肥

農曆新年剛過,靚女們飽嘗賀年美食後都要忙於瘦身,不過身形一向苗條嘅名媛趙式和(Jane)就無懼卡路里,照掃大量零食。早幾日下午兩點鐘,卓妮見到Jane走入中環太子大廈一間連鎖生活用品店,一手挽住購物籃,先選購皂液、洗頭水等日用品,然後再走到零食貨架前,毫不猶豫就將威化餅、糖果等零食掃走。

修身有法 無懼高脂

Jane兩年前喺灣仔開設嘅畫廊Galerie Huit(錦藝舫),除咗熱賣中外名家畫作及人像雕塑品外,過去亦多次舉辦大型畫展覽,將興趣融入工作,愈做愈投入,相信好多時都廢寢忘餐,買定啲零食儲備醫肚都唔出奇。不過,大家都知威化餅高糖又高脂,Jane依然食極都唔肥,卓妮真係要請教吓佢嘅修身之道喇!

第一手消息請下載on.cc東方互動iPhone/iPad/Android/Windows Phone Apps