店舖霸路擺貨 屢犯不改
「啲貨堆到仲高過個人，擺晒喺條路度塞住晒，隔籬仲要係投注站，真係行都冇路行！」深水埗桂林街一帶車水馬龍，有店舖卻公然佔用行人路擺放貨物，令原已狹窄的通道更見水洩不通，街坊梅小姐坦言曾向食物環境衞生署投訴，但情況未見改善之餘反更變本加厲。
口頭警告無阻嚇力
食環署發言人稱，接獲轉介後曾派員巡查，發現有關店舖在舖外擺放小量貨物，經該署職員警告後，負責人已移走有關物品。不過，職員其後覆查時發現店舖再次在行人路擺放貨物，遂即時作出檢控。發言人續稱，該署過去一年共接獲五宗相關投訴及提出一宗檢控。
梅小姐認為，食環署對屢次犯規店舖作口頭警告並無阻嚇力，要求該署對再犯者立即採取檢控行動，以儆效尤，「如果唔係咁過分都唔會投訴，但條路咁塞法真係好滋擾，食環署點都要諗辦法改善下！」