「貪曾」前特首曾蔭權爵士在任期間貪盡海陸空、歎盡省港澳，可惜當時嘅廉政專員湯顯明一直對調查貪曾放軟手腳，拖到自己卸任後就將案件交由下手專員處理，調查至今一年多仍未有進一步行動。湯顯明在任時放過貪曾已經係失職，點知佢仲做到全國政協委員，而且建議港區委員成立一個專門研究反腐倡廉嘅工作小組，由各委員深入討論後向國家提出具體嘅提案，名副其實係放走賊仔後再大喊捉賊，認真厚面皮。如果湯顯明有咁大能量搞好國家反腐倡廉工作，香港嘅廉潔度就唔會大倒退啦！
