切除囊腫手術臨陣變卦
明愛醫院為病人安排切除右手肘囊腫手術，術後囊腫非但未有切除，反令病人痛楚加劇，連帶失去日常生活自理能力。病人不滿醫生事後未有交代情況，僅安排轉介職業治療部，認為有敷衍塞責之嫌。關注團體直指現時醫生的應診時間嚴重不足，加上多抱「講你都唔明」心態面對病人，或令病人產生疑慮，認為須加強與病人溝通的技巧。
「做完手術仲痛過以前，晚晚都瞓唔到！」年逾六旬的陳先生早前於明愛醫院接受囊腫切除手術，惟術後痛楚加劇，逾月來徹夜難眠，精神瀕臨崩潰邊緣。陳指手術傷口復原後曾觸摸手肘位置，發現囊腫仍然存在，但醫生卻不作理會，僅轉介接受物理治療，質疑醫生診斷出錯，「點解唔係醫好咗先做物理治療？依家粒水瘤都仲喺度就叫我去做，根本就係亂嚟！」痛楚令陳的右手僅餘兩成活動能力，即使日常生活亦無法自理。
手術期間無發現囊腫
明愛醫院發言人證實，病人於手術前接受磁力共振檢查，發現病人右肘有一粒懷疑五毫米的腱鞘囊腫，位置接近尺神經，遂建議接受尺神經移調及腱鞘囊腫切除手術，惟手術進行期間未有發現囊腫，卻發現其神經有壓迫情況，故為病人進行神經鬆懈及移調手術，現轉介其到職業治療部接受手部訓練。
發言人解釋，腱鞘囊腫微小且有自動溶解可能，而手肘腫粒有機會為術後軟組織反應，但承認醫生未有即時向病人清楚解釋有不足之處，該院為此向病人致歉。
部分醫生：講佢都唔明
「醫生同病人之間冇溝通係誤會嘅主要原因，如果醫生講清楚啲個手術點做、當中有咩可能性發生，誤會同爭拗都會少好多！」關注病人權益的香港社區組織協會幹事彭鴻昌直言，公立醫院醫生平均會診時間僅數分鐘，醫生或無足夠時間全面向病人解釋病況及治療效果，加上部分醫生會抱「專業主義」心態，認為病人「講佢都唔明」，容易產生誤會。
香港醫學會會長謝鴻興表示，倘病人認為事件涉及醫療失誤，可經相關投訴機制反映，但投訴是否成立仍需視乎多種因素，「要睇番手術係咪必要做？係咪正確咁做？病人係咪事先清楚知道手術風險？醫生有冇及時察覺問題？如果醫生做啱晒，但出嚟治療效果唔理想，就未必構成醫療失誤！」謝認為病人亦可主動向醫生查詢與手術相關資訊，以保障個人利益。
記者：黃芷君