食物及衞生局前局長周一嶽（周一鑊）突然獲政府「翻閹」接任平等機會委員會主席，搞到人神共憤，好多市民都擔心呢班前朝庸官，會輪住排隊等「翻閹」出任其他公職撈油水，令多個公營機構淪為「廢官俱樂部」。不過，相信依家最心急如焚嘅會係「貪曾」前特首曾蔭權爵士，眼見昔日被全城圍插嘅下屬都搵到一官半職撈油水，反觀自己就連風都冇陣，企喺呢個廢官俱樂部門外，會否百般滋味在心頭呢？又或者會否妄想自己可以撈番一官半職呢？
