樓上踢波玩樂，樓下租客受難。「啲人喺上面踢波，樓下全個單位就好似地震咁，而且不斷傳出『砰、砰、砰』聲音，非常滋擾。」在其中一間違反工廈地契的室內足球場，樓下單位是一間電腦公司辦公室，職員無奈指出，該足球場在數月前經營後，他們的噩耗便開始，「平日下午四點前，就只係『一陣陣』，但到下午四點後，情況就持續到晚上八、九點，令好多同事難以集中精神，工作效率大受影響。」
該公司一名職員更表示，「我哋鋪咗假天花，所以睇唔到天花石屎有冇裂紋，但由於大廈已有二十年歷史，擔心長此下去，單位結構會有影響，甚至會石屎剝落，如果樓上繼續『畀人踢波』，不排除會向管理處投訴。」
律師黃國桐指出，樓下受影響的公司，可以樓上單位違反公契條款為理由，向土地審裁處申訴，要求對方停止營業及賠償。世運保險顧問主席羅少雄補充，受影響單位若天花現裂紋，或石屎剝落，業主只要證明非自然因素造成，便可循民事索償。