港府為確保香港所有嬰兒有奶飲，實施離境奶粉限制，每人只可帶兩罐奶粉出境，至今已經拘捕咗四十五人，總算對一眾港媽有個交代。有網民將九六年嘅經典電影《斷箭行動》海報，改圖成《斷奶行動》，仲搵埋疑似海關關長張雲正同保安局局長黎棟國做主角，幅改圖貼喺討論區，唔知係咪有紀律部隊人員覺得好有成就感，所以要改圖嚟威吓呢？
呢幅「斷奶行動」嘅改圖工夫都幾粗糙，只係將戲名改一改，換上疑似黎棟國同張雲正個人頭，其中一人由揸手槍變成揸住罐奶粉，唔似專業改圖。雖然網民為「斷奶」高興，但唔知今次奶粉限制政策，有無影響香港自由貿易嘅聲譽呢？
（互聯網）