環保業者認同「物盡其用」
【本報訊】死後捐出遺體讓素未謀面的醫科生學習，對部分人來說可能難以想像，但六十六歲的鄧渭然則認為，與其任由遺體火化或深埋黃土，倒不如充分利用，為在世者作出貢獻。從事環保寢具生意的他，笑言一切也從「物盡其用」出發，十多年前已決定死後盡捐器官，移居加拿大後初次認識遺體捐贈，「聽當地醫生朋友講，佢哋無短缺問題，平均每兩名醫科生就有一具遺體。」他數年前回流本港，從報章得知本地捐贈遺體奇缺，終在去年登記死後捐出遺體。
鄧渭然坦言港人對捐贈遺體仍相對保守，向身邊親友談及有關決定時，大部分人也沉默以對，或直言「我未可以咁偉大」，幸好太太及子女均認同其助人想法，女兒更承諾在他辭世後，必定執行其意願，「我死後受萬刀都無所謂，但在世病人千萬唔好受錯半刀。」
車淑梅兒子一度反對
同樣承諾捐贈遺體的港大社會醫學系系主任、前食物及衞生局副局長梁卓偉，憶述廿一年前仍是醫科生時，初次上解剖課仍記憶猶新，「初時仲有啲驚，但上完第一堂已無晒呢啲感覺，只有感恩，因為往後會同大體老師相處一年多，我哋亦由佢身上承傳咗知識。」資深傳媒人車淑梅亦是登記捐贈者之一，她指一直遺憾從未上大學，想不到逝世後有此機會，更升格為「老師」，她指兒子初時反對，「佢怕我畀咁多人圍住睇會尷尬，其實到嗰陣我都已經走咗，好在最後佢都支持。」