政情：公民講場：劣政頻遭剝牙 貪曾無齒

「貪曾」前特首曾蔭權爵士在任時話要發展六大優勢產業，點知搞醫療產業同教育產業都搞到一鑊泡，而創新科技及文化產業更加係影都冇。至於由佢一手創立嘅關愛基金，當時就話商界捐五十億元，政府配對五十億元，最終商界亦都冇人畀面，到尋日財政預算案宣布由政府自行注資一百五十億元填氹執手尾，至於原本打算預留五百億元推行嘅醫療融資，更已經胎死腹中。貪曾在任時做嗰樣衰嗰樣，全部摺埋晒，真係同被人剝晒棚牙冇乜分別。