【互聯網】旅遊發展局主席田北俊自表明反對取消內地一簽多行政策後，惹起部分網民不滿。尋日社交網站有個群組就發起「反一簽多行，罷買G2000」行動，批評田少發錢寒，要香港人陪葬，聲言要罷買G2000添。雖然有網民已留言提醒G2000係田少細佬、新民黨田北辰名下公司，但有網民就話，總之佢哋兩兄弟名下嘅商品都要抵制，以表示港人強烈不滿喎。對於被誤中副車，田北辰回覆時就話冇咩回應，只係無奈留低咗一句：「殺錯良民」。