特首梁振英將原定喺去年十月發表嘅施政報告，押後到今年一月先公布，同將於今日發表嘅財政預算案只差一個多月，變相降低咗外界對預算案嘅期望。財經事務及庫務局局長陳家強尋日出席電台節目時更明言，預算案嘅主要功能就係配合特首喺施政報告提出嘅各項措施，預告今份預算案唔會有太多新嘢。如果預算案只係施政報告嘅帳簿，咁陳家強同財政司司長曾俊華份工咪好易做？
