立法會主席曾鈺成尋日喺傳媒茶敍上話，希望所有立法會議員都可以自由咁返去內地，就算做唔到人人有回鄉證，都可以好似以前咁，就唔同議題安排議員返內地交流同訪問，佢唔認為中央視泛民主派係敵人添。
不過，泛民依家分分鐘打住爭取普選嘅旗幟，而且法律學者戴耀廷又話要去佔領中環，就算中央唔當佢哋係敵人，佢哋都擺明視中央為敵啦！所以話呢，話唔定班泛民議員根本都唔想返內地，就算佢哋願意去，難保唔會拉橫額叫口號示威，咁仲點交流呢？睇怕曾鈺成都係一廂情願，最終只係對牛彈琴。
