元朗山貝村魚塘濕地甚具生態價值，近年卻屢受違例發展破壞！長春社高級公共事務經理李少文指出，村內魚塘有不少如鳳頭潛鴨等重要水鳥出沒，魚塘邊的蘆葦床亦是水鳥的棲息地，被填塘工程破壞後，將令水鳥生態受到嚴重影響。
「好多時啲人會逐小逐小咁填，等填咗嘅地方生番草就冇人察覺，好多濕地就係咁慢慢冇咗。」李直言是次填塘工程已非村內首宗個案，有人亦會以「鞏固塘壆」為由，在魚塘之間逐步填土，藉以擴大土地。
李少文又說，有關魚塘多年前屬保育地帶，近年因丁屋土地不足才被改劃為「鄉村式發展」。雖然地點的規劃意向屬丁屋發展之用，但因填塘及填土均會影響生態，進行工程前須事先申請，基於保育原則一般都不會獲批，「就係因為好多時都唔會批，所以就有好多先破壞、後發展嘅個案出現，歸根究柢都係規劃錯配！」