政情：公民講場：大口湯核心價值隨時變

　　話說公民黨尋日召開記者會，話佢哋做咗一輪民調之後，發現逾七成五受訪市民認為政府打擊水貨客嘅措施唔足夠，建議政府針對非港人嘅水貨客開徵離港商品稅。公民黨代表仲話為收阻嚇作用，所收嘅稅率唔可以太低，又話唔同物品可以有唔同稅率，例如奶粉就應該畀多啲稅喎。

　　除咗民主人權，自由市場唔係香港嘅核心價值咩，佢哋嘅建議仲要係歧視某啲人。原來諸如大口湯等人嘅核心價值，佢要嘅時候就講到好緊要，唔要嘅時候，又可以咁樣對待。