立法會大會經常都由朝開到晚，好似上星期三咁，就開到夜晚十點先暫停會議。人民力量陳志全（慢必）嗰晚七點幾鐘去咗附近嘅金鐘廊一間咖啡店買咖啡，唔知係咪因為未得閒食晚飯，佢仲順便買件蛋糕頂住肚先。慢必話，因為開咗成日會，所以要買番杯咖啡提提神，順便抖抖氣輕鬆吓喎。
我哋見慢必全程都拎住部電話係咁聽，於是問佢同邊個咁好傾啦，點知原來佢並唔係同人傾緊電話，而係用立法會嘅手機應用程式聽緊會議，咁啱嗰陣仲係辯論緊「落實雙普選」嘅動議，唔怪得佢會咁着緊啦！
不過，慢必右手拎住部電話，左手又揸住杯咖啡同蛋糕，一個唔小心分分鐘倒瀉嘢，用耳筒唔係方便啲咩？（徐家浩攝）
