五刀鋒跑手堅毅完成
【本報訊】「就算係最遲，只要大會唔車我走，我都會跑落去，終點唔會關上！」今屆有五名截肢跑手（刀鋒跑手）參加馬拉松，四人順利在限時內完成賽事，唯獨首次參與半馬的戴劍平（小平）踏入最後三公里時近乎虛脫，幸獲四肢健全的太太不離不棄，從旁支持鼓勵，雖然超時半小時，仍雙雙衝過終點線，太太的支持勝於一切。
卅多歲的小平多年前因交通意外截下右腿，及後更因服食過量抗生素而導致弱聽，多年前在朋友鼓勵下參加馬拉松，更令他結識同樣患有弱聽的太太。小平曾參與九次馬拉松十公里賽事，今年首次參與半馬，太太亦由全馬改戰半馬，造就二人首次在跑道上相遇。
黎芷愉：相信自己
大會規定半馬賽事需於三小時內完成，小平最終超出限定時間，「好彩大會無叫我上車，十八公里後最辛苦，但老婆睇住，一定要完成埋佢。」
廿一歲的黎芷愉是其中一位「刀鋒跑手」，去年初她因為一次交通意外失去右小腿，但她無自暴自棄，今年首次參與十公里馬拉松，順利在一個半小時內完成。她表示，「去年呢個時候行都難，今年就已經可以跑到馬拉松，只要相信自己，就算截肢都可以做到。」