店舖雜物霸路 唔檢控
「啲舖頭當正條路係自己咁，擺晒啲手推車喺度，起碼霸咗三分一條行人路！」李小姐每日上班均行經旺角砵蘭街一帶，不滿上址有多間店舖長期在行人路上放置雜物，令街道淪為貨倉，不滿當局執法不力，變相縱容店舖「人霸我霸」，令行人無路可行。
食物環境衞生署發言人表示，接獲本報轉介後曾派員巡查，發現行人路上有手推車，惟認為未有造成阻塞。職員已勸告有關店舖負責人，切勿佔用行人路擺放貨物，阻礙途人，在覆查時亦未有發現行人路上有雜物。
「咁都話唔阻，咁食環署把『尺』真係好寬鬆！」李小姐坦言不滿食環署以「未有造成阻塞」為由未有執法，令上址的阻街問題愈趨嚴重，「條路已經愈嚟愈窄，有人推BB車行過已經過唔到，真係好離譜！」