捲入東方明珠石油疑賄賂案嘅全國政協委員劉夢熊，疑再因涉妨礙司法公正，前日被廉政公署人員帶到港九新界多個地點調查，之後再被帶返廉署總部扣查近四小時，離開時見佢表現得好慌張又閃縮，避開記者鏡頭。不過，劉夢熊尋日如常公開露面，出席活動及新春酒會，仲話自己目前百病纏身博同情，最嚴重係早前「個心突然間翳住」，要入院四日治療喎。講笑咁講，劉夢熊近期遇到連串風波，難怪個心翳住翳住都唔出奇嘅！
