法庭：劫獄案收押犯：要做最串嗰個
【本報訊】因犯案羈押於荔枝角收押所的廿一歲男子，趁女友等來探監時要求對方「吹雞」到北區醫院協助他逃獄，因過於張揚未開始劫獄已流產。涉案三女兩男被告，其中收押犯及一名女同黨日前已在區院承認串謀逃離羈押罪，昨日再多一名女同黨認罪，餘下兩名被告受審。控方昨播放收押犯向探監女友大談逃獄的錄影片段，他聲言必能成功逃獄，並揚言不怕當時被錄音，並誇口：「我要做最×串嗰個！」
昨再多一女被告認罪
被告依次是張俊傑（廿七歲）、收押犯女友羅詠彤（十七歲）、十六歲鍾姓女生、十六歲邱姓女生及收押犯顏坤堯（廿一歲）。其中顏、邱及鍾先後認罪．待案件審結始判刑。
控方播出羅及鍾去年七月廿七日向顏探監的錄音及錄影片段，顏侃侃而談其逃獄大計，直認表示「今日是好時機，有天時地利人和！」有女聲提及當時正被錄音，顏說：「有錄音又點，佢哋（懲教員）趕唔切，之後先會聽番錄音」期間兩女不斷竊笑，但亦有詢問應找誰幫忙，顏則無故問「我係咪好英俊？」，又指「我做乜嘢都咁×串，我要做最×串嗰個，我一定要出去。」有女聲說：「咁你可以同我睇（電影）蝙蝠俠。」顏又說：「唔知我可唔可以上新聞呢？」再有女聲指：「我都唔知點解你老公咁夠pok」及「你好×雷呀！」顏則說：「最多拉番嚟畀人打鑊金。」
而當日被電召到收押所接載兩女到北區醫院的貨車司機王文德（譯音）則供稱，在車上見到羅不斷致電，述及找人如何協助「阿×」於醫院逃脫，王指對話內容異常故特別留意。他又聲稱接載兩女時，見有金髮男子替二人開門但沒上車；惟控方播出收押所門口的錄影片段卻未見有金髮男子，王則堅持有見到此人。
案件編號：DCCC 1042/2012