政情：公民講場：趕走貪曾 港人可安居

貪曾最罪大惡極，喺做幾年特首好似做皇帝咁，乜嘢都唔做，終於搞到問題堆積，全港市民都要受苦，房屋係其中一個大問題，貪曾唔知因為面子問題定係其他原因，係都唔肯恢復出售居屋，搞到香港嘅樓價天咁貴，香港人就冇晒志氣，寧願一早排定隊申請公屋，都唔敢買樓，咁香港人又點可以安居樂業呢？尋日終於就白表免補地價買居屋攪珠，部古銅色嘅攪珠機就好似古董咁珍貴，亦為唔少香港人帶來希望。總之趕走舊貪曾，香港人至有好日子過啦。