吃過開年飯 老闆承諾加薪
【本報訊】吃過開年飯，有個好開始。上環一家海味舖保持四十幾年傳統，昨趁年初二，家人和員工齊齊吃頓豐富開年飯，期望新一年事事順境，一團和氣。老闆說，今年食材價錢樣樣加，一餐飯花費二千多元，比去年貴一至兩成，但開年飯不會慳：「開年食好啲，全年樣樣順利，乜都抵番晒！」雖然海味生意受人民幣匯率拖累，成本上升，只有薄利，但老闆指今年仍會加人工、利是「加碼」，但無透露加幅。
上環的裕隆海味店開舖四十幾年，開年飯八餸一湯，菜式保持傳統，多年不變，兼意頭十足。髮菜蠔豉寓意發財好市；南乳炆筍蝦，代表「撈到筍嘢」兼全年笑哈哈；有雞、鴨、乳豬又有鮮魚，有魚有肉豐衣食足。兩圍枱共十幾人吃得津津有味，勞苦功高的大廚冰姐稱，昨晨四時許已開始準備食材：「冇咁早煲湯，火候唔夠就唔好飲！」裕隆前任大廚榮休，冰姐去年接手主理開年飯，今年更得心應手：「分量預得好咗，煮得順手好多，有咩唔識就問事頭婆。」
裕隆老闆吳蕙玲稱，家人及員工聚首吃開年飯極重要。昨晨她負責選購食材，合共花費二千多元，比去年漲價一至兩成，「一隻乳豬賣六百蚊，貴咗一百蚊；蔬菜都貴一成。開年飯唔會慳，開年食好啲，全年樣樣順利。」她又指，現已很少年輕人愛回家吃開年飯，自己兩名兒子昨帶同女友回家吃飯，另一裕隆老闆、胞兄吳偉鴻的長子亦在場，實屬非常難得。
盈利不多 不刻意加價
吳偉鴻回顧去年生意額較前年增加兩成，來貨價受人民幣匯率影響，成本大增，令盈利不多，但今年依然會調高員工薪金。他又指，近年內地遊客喜愛來港買海味，大部分海味被搶高價，花膠更加價五成。內地客只佔裕隆的客路兩成，其餘是街坊熟客，不會刻意加價。