政府前日推出一千個青年宿舍單位，最耐租夠五年就要遷出。民政事務局常任秘書長楊立門就懶風趣話，如果後生仔長進少少，呢五年應該夠儲買樓首期喎。此言一出即惹來唔少後生仔反感，覺得佢真係不知民間疾苦，事關依家一個四、五百呎嘅普通樓盤，最少都要三百萬起跳，加上五年後樓價升幾多都冇人知，到時首期又要再多啲。其實好多後生仔都選擇同屋企人住，寧願慳得就慳，但佢哋一個月搵得萬零兩萬蚊，衣、食、行已使咗一大筆，就算放假唔出街玩，相信儲錢都係有限。
（資料圖片）
