貪曾前特首曾蔭權爵士在任期間貪盡海陸空、歎盡省港澳，呢單醜聞被本報揭發至今已有一年，雖然廉政公署遲遲未有任何進一步行動，但估計貪曾必定提心吊膽度日。本報日前曾為貪曾自身向黃大仙求得「莊周活鮒」嘅籤文，大意係講一條鮒魚被困喺車輪壓出嘅小水坑之中，陷於窮途末路，欲脫困須引進西江水，否則鮒魚會因缺水而亡。莫非籤文提及嘅「西江水」三個字係暗示貪曾依家陷入窮途末路，要靠西江水流經嘅珠海同澳門打救？抑或係暗示貪曾佢要勾結西方勢力打救自己呢？
