出租男湧現盛女慎防狼

出租男友Jay（化名）傳給記者的照片貌似藝人張繼聰，但真人竟是「翻版林敏驄」！記者投訴貨不對辦，他表示：「張相係之前影落，呢排殘咗啲！」他開價一餐團年飯兩個鐘收五百元，會提供拖手、攬腰、「錫面珠」服務。

Jay自稱是「熟手技工」：「試過幫幾個女性朋友扮見家長食飯。」為顯示「專業」，不停起記者底：「萬一你屋企人問起，我都識答嘛！」之後他還叫記者「攞隻手嚟」，笑笑口說：「試吓手感先嘛，唔係好易穿煲o架！」期間又有意無意輕掃記者手背，表現猴擒。

貨不對辦出租男 給記者照片

真人 「chok樣」宅男、年齡：28歲、身高：約一米七

「chok樣男」反客為主唔收錢

二十八歲的「出租男友」阿臣（化名），傳給記者照片和影星林峯有幾分相似；然而真人與照片大相逕庭，身形較照片脹足幾個碼。見面時，他似怕記者打退堂鼓：「我本身想收二百蚊，但其實唔收錢都得，不過你要扮番我女朋友，陪我同屋企人食飯。」

記者不明阿臣「動機」，他解釋：「我未拍過拖，屋企人成日叫我帶女朋友返去，有時仲追問我幾時結婚。」做文員的阿臣，最初面對記者時怕醜，然而愈說愈興奮，最後更承認做出租男友是希望藉此「識女仔」。見面後他不斷傳來多個短訊，似想追女仔多過賺錢。

見面當天「另類社工」阿權（小圖）穿着運動服、孭背囊，十足大學生模樣。	吳小姐（學生）：「無試過上網識男仔，更加唔會搵出租男友，會循正常途徑結識異性。」	黎小姐（學生）：「有時都會上網同人傾吓偈，但絕對唔會出嚟見，亦唔會租，萬一對方另有企圖點算？」

「另類社工」欲深入探討社會

二十六歲的阿權（化名），言行舉止斯文有禮，算是最對辦的一個。他聲稱曾任職社工三年，現時已離職，但仍希望對社會現狀有更深入探討而出租自己。

「有啲女仔到咗適婚年齡都識唔到男友，被屋企人催婚，我好想了解吓呢個社會狀況，加上我依家失業，咪當幫吓人囉！」雖說是為了幫人，但阿權卻要收一百元出租費用。見面後答應出租的阿權，最後「人間蒸發」，記者致電他亦再沒有回覆。

專案組