男警召援交月事也不拘
男警員疑用智能手機Apps物色援交少女，遇着臥底警花「放蛇」，他懵然不知下涉嫌兩度以一千五百元「肉金」誘使警花「開房」，女警先後出招成功在緊急關頭脫身，首次示意埋伏的同袍致電她假扮「老竇無帶鎖匙」，另一次更以月事來潮作推搪，男警也不禁講句「咁邪？」他第三度邀約女警到賓館終獲答允，換來的是被同袍逮個正着。他被控兩項以不道德目的而唆使他人罪名，他不認罪，案件昨在九龍城法院開審。
被告陳振威，四十歲，為深水埗區軍裝警員。臥底女警鍾芷蘊昨供稱，去年七月她被指派喬裝成廿歲女學生，協助打擊網上援交行為，她化名「Cindy GG」登錄成為「SayHi」用客，自八月起與化名為「siuming」的被告聯絡。被告八月六日約她翌日外出，問她：「想唔想賺快錢？陪我三小時，千五蚊畀你。」被告未透露約會內容，只着她翌日答覆。
「一齊沖涼同錫 得唔得？」
鍾翌日答應被告，被告問：「一齊沖涼同錫，得唔得？」鍾答應。兩人當日下午一時許在油麻地港鐵站見面，鍾問被告：「你成日咁約女仔出嚟？」被告解釋：「我經驗好少，得三次。」未幾二人行至碧街一賓館附近，鍾採取「拖字訣」：「不如你講清楚先，唔好咁心急。」被告說：「我冇特別喎，你有咩唔做先？等陣上到房，咪沖涼、錫、摸下，跟住咪做愛囉！上面有埋套。」
鍾當時不知如何反應，被告再慫恿：「最多咪叫你幫我含（口交），戴唔戴套就你自己鍾意。」並聲言可先付款，強調不會做「變態嘢」。此時鍾做出暗號示意想脫身，上司即致電她，鍾掛線後訛稱父親忘了帶門匙，要先離去，惟被告不死心，揚言可等候鍾，但鍾稍後婉拒，被告表示歉意：「係唔係畀今日講啲嘢嚇親？」
「上到房合埋眼就唔尷尬」
被告於八月八日再約鍾到朗豪坊午膳，期間問她：「可否陪我？去番尋日嗰度。」鍾推說月事來潮感不便，被告聞言驚道：「咁邪？尋日都冇！」二人離開餐廳時，被告說：「都係第一日啫，唔會好多。」鍾推說怕尷尬，被告再說：「上到房合埋眼就唔尷尬啦！」惟鍾堅拒，最終被告稱要上班而先離去。
兩人於九月三日再相約在油麻地吃早餐，被告邀請鍾說：「陪我坐下……第一次嗰度。」鍾揶揄道：「又係？你住喺嗰度o架？」她請示上司後與被告到賓館租房，被告在房內擬脫衣，但鍾叫停，他進而欲攬鍾，鍾避開並扮作參觀房間，被告見狀問：「係咪好驚？」鍾回答：「少少。」被告即打開銀包：「我等陣有錢畀你喎！」未幾有人敲門大喊「查牌」，鍾的上司將被告拘捕。聆訊未完，下月十八日續審。
案件編號：KCCC 5036/2012