年初一冇津貼 食署員工谷氣

「大時大節邊個肯返」

「我哋做前線嘅人工已經唔高，往時初一諗住賺少少津貼都會抵諗啲返工，今年冇咗（津貼），大時大節邊個肯返？人工高啲嗰班就算有津貼都唔制啦！」食環署職員陳先生指出，往年凡於農曆年初一至初三上班者，皆可獲額外津貼，惟早前卻接獲通知，今年的津貼將改為初二至初四上班才獲發放，「佢哋（署方）話初一係禮拜（周日），我哋要輪班返工冇津貼，佢哋到底有冇理過做前線嘅感受？」

陳又指，據悉不少職員皆對相關安排大表不滿，士氣低落之餘，更揚言年初一將拒絕上班，清理年宵市場垃圾及其他工作或受影響，「依家個個都唔想返工，仲因為咁搞到嗌晒交，如果真係畀人逼返工就請病假，年宵啲垃圾分分鐘冇人執！」

食物環境衞生署職工權益工會主席李美笑證實，有關安排已引起員工不滿，尤以前線員工更首當其衝，「佢哋普遍年紀大啲，更加重視節日，加上初一特別多嘢做，淨係清理花巿都已經夠辛苦，個安排真係好唔合理！」李直斥署方忽略員工感受及實際需要，要求從速檢討，「佢哋淨係諗住都係畀三日津貼，邊日畀都冇分別，好明顯係冇將心比己！」

議員：食署好冇人情味

「年初一係中國人傳統嘅大日子，兼且仲係新年最忙嗰日，反而冇津貼真係奇聞，唔怪得員工不滿，食環署咁做真係好冇人情味！」議員王國興認為，食環署轄下員工眾多，部門應以身作則，貫徹家庭友善僱傭政策，希望該署管理層盡快與工會代表會面磋商，以免損害員工士氣。

食環署發言人則說，根據公務員事務規例，逾時工作津貼是指員工在規定時數以外的工作，在特殊情況及經署方批准後可供申請的補償。由於今年年初一為星期日，並非法定假日，而輪班工作的員工須按正常更表工作，所以不屬逾時工作，因此未能申請津貼。發言人承認，約有五千五百名員工受上述安排影響，其中包括多個職系的前線員工。

（ireport_00032637）

記者：朱廣華