WK喺去年九月立法會選舉，成功擊敗多名對手，首度進身立法會，事隔唔夠半年，WK再下一城，連政協委任都有進帳，佢由中山市政協「升呢」做山東省政協。中山喺廣東省，一個南一個北，同山東除咗都有一個山字，完全風馬牛不相及，WK就話，佢曾經帶領業界到山東做投資推廣工作，並呼籲當地企業以香港作為跳板「走出去」。即係話，佢同山東都確實係有淵源o架。
WK話，原來佢仲有幾個老友一齊做山東省政協，包括有「清盤王」之稱嘅德勤企業重整服務亞太區合夥人黎嘉恩，同埋嘉瑞國際副主席兼行政總裁姜永正喎。其他較為人熟悉嘅山東省政協，仲有行政會議成員張震遠等。