「買開嗰隻奶粉不嬲都係畀初生至六個月BB食，呢罐雖然係同一個型號，但個包裝就寫畀十二個月前嘅BB飲！」陳先生日前於天水圍一間藥房購入一罐嬰兒奶粉，發現包裝及描述與過往所購同型號奶粉有異，職員事後雖指該奶粉屬「台灣版」，卻未能令陳釋疑，「就算係版本唔同，都冇理由連食用年齡都差咁遠，好難唔懷疑罐奶粉係假貨！」
元朗區議員姚國威指出，幼兒奶粉近年供不應求，不排除有魚目混珠情況，要求當局勤加檢測，保障嬰兒健康，「依家咁多人搶住買奶粉，有人賣假貨搵錢真係唔出奇，海關真係要巡查多啲！」姚呼籲市民若懷疑購買冒牌貨，應主動向海關舉報。
海關發言人指，於去年一月至十一月共接獲十七宗懷疑假冒奶粉舉報，仍有一宗正在跟進，其餘已確定非冒牌。發言人強調，根據法例，任何人士售賣冒牌或有虛假達至關鍵程度商品說明的貨品，即屬違法。一經定罪，最高可罰款五十萬元及監禁五年。