渡海濠情:花開富貴 無本生利

好快就係農曆新年,相信呢個周末好多朋友都要把握時間去辦年貨,據講今年嘅年花貴咗好多,有啲仲有價冇貨,所以今日最啱去新界花場搶購,順便行個大運,而嚟自金池桑拿嘅阿玲,佢話唔使擔心,事關過年過節定有大把花收喎!

冇啲誠意

阿玲話:「我屋企成條村都係種花,識嘅男仔嘅屋企九成都一樣係種花,所以當年約會真係收花都收到手軟,最後發現唔係辦法,於是喺成條村嘅男仔當中,揀咗個唔係種花嘅,但佢屋企嘅生意都同花有關,就係成條村唯一嘅批發商,見親佢面都仲係送花畀我,後嚟真係忍無可忍,詐型話佢對我唔真心,隨手攞老竇啲花嚟送畀我,一啲誠意都冇,仲嘈住話分手,個男仔唔知點算,最後屈佢送咗個智能手機同名牌包包畀我,先至饒過佢。」

念念不忘

平時都收咁多花,過時過節咪仲誇張?阿玲話:「家陣搬出城市住,但呢班兒時男伴仍然對我念念不忘,一到過時過節,就會速遞啲花過嚟,驚死我冇花收咁,所以我屋企會即時變為鮮花市場。」

咁點算呀?阿玲話:「我會搵幾個同事幫手,分批將啲花賣晒出去,乘機賺番一筆,好似聖誕節咋,我哋就賺咗萬幾蚊。」阿玲人靚聲甜,上圍豐滿,啲兒時男伴當然念念不忘,咁就真係花開富貴啦!

阿玲Profile  

年齡:21歲

三圍:35-24-35

撰文:小德

攝影:阿程